طريقه معرفه الفرق بين التمارين المركبة (Compound Exercises) و التمارين العازلة (Isolation Exercises)

طريقه معرفه الفرق بين التمارين المركبة (Compound Exercises) و التمارين العازلة (Isolation Exercises) 

تابعونا لمعرفه التمارين الصحيحه لتفادى الاصابات  عند التمرين من كابتن محمد عبد الفتاح متخصص ومدرب لعبه كمال الاجسام خبره ٢٥ عام فى هذا المجال

هنتكلم النهاردة عن الفرق بين التمارين المركبة (Compound Exercises) و التمارين العازلة (Isolation Exercises) 😉

التمارين المركبة (Compound Exercises) 🔥

التمارين المركبة هي التمارين اللى بتستهدف أكتر من عضلة (عضلة أساسية مستهدفة وعضلة ثانوية مساعدة زي "الصدر والتراي" أو "الظهر والباي" أو "الكتف والتراي") وبيتم تحريك فيها مفصلين أثناء التمرين وعلشان كدا سموها Multi-Joint Exercises.

التمارين العازلة (Isolation Exercises) 🔥

بتستهدف عضلة واحدة فقط وبيتم فيها تحريك مفصل واحد فقط وعلشان كدا سموها Single-Joint Exercises.

التمارين المركبة بتقدر تشيل فيها أوزان عالية علي عكس تمارين العزل اللى بتبقي صعبة انك تشيل فيها أوزان عالية، علشان كدا بتفضل تتمرن التمارين المركبة في بداية التمرين وأنت بكامل طاقتك وبتلعب تمارين العزل في النهاية عشان متهنجش فالنص و تروح مننا 😂

هبسطهاااالك 🤔

👈تمرين الاسكوات Squat مثلاً بيتم تحريك فيه مفصل الفخذ ومفصل الركبة وبيستهدف العضلات الأمامية والخلفية للرجل وعضلات أسفل الظهر كمان، على عكس تمرين زي الـ Leg Extension بيتم تحريك فيه مفصل الركبة فقط وبيستهدف فقط العضلات الأمامية للرجل بالبلدي كدة بتركز على حاجة واحدة بس 😉

لو عايز تزود الحجم العضلي والقوة للعضلات الصغيرة زي الباي والتراي والكتف لازم تهتم بالتمارين المركبة لإنها اكتر تمارين بتقدر تزود فيها احمال وبالتالي هتزود الحجم العضلي بشكل عام لكل العضلات 💪

لكن لو انت اصلا مضخم كويس و عايز تشرح او تعدل عضلة فيها عيب عندك او شكلها مش عاجبك يبقى تركز على تمارين العزل 💪

⚠️أمثلة للتمارين المركبة: Squats, Rows, Deadlifts, Pull-ups, Shoulder Presses, Push-ups, and Lunges

⚠️ أمثلة لتمارين العزل:Triceps Pushdowns, Side Lateral Raises, Leg Extension, and Leg Curls

كان معكم       

كابتن محمد عبد الفتاح

تابعونا على الفيس بوك